ბინა საბურთალოზე

რა იყო პროექტის მიზანი?

მთავარი მიზანი იყო ახალგაზრდა წყვილისთვის თანამედროვე, მშვიდი და ფუნქციური საცხოვრებელი სივრცის შექმნა, რომელიც მარტივი, მაგრამ ინდივიდუალური დეტალებით გამორჩეული იქნებოდა. ამისთვის გამოყენებულია ბუნებრივი ხე, ნეიტრალური ფერები და მინიმალისტური ფორმები, რომლებიც სივრცეს თბილ და მშვიდ ხასიათს აძლევს.

განსაკუთრებული ყურადღება დაეთმო ოჯახის ბავშვობის ნახატების ინტერიერში ინტეგრირებას. ისინი არა მარტო დეკორატიულ ელემენტად, არამედ სივრცის ნაწილად იქცა, რამაც ინტერიერს ემოციური, პერსონალური და გამორჩეული ხასიათი მიანიჭა.

რას მოიცავდა პროექტი?

პროექტი დაიწყო ბინის დაგეგმარებით და ეტაპობრივად განვითარდა სრულ ინტერიერის დიზაინ-პროექტამდე. პროცესი მოიცავდა კონცეფციას და სტილის განსაზღვრას, ტიხრების დაგეგმარებას, ავეჯისა და განათების დაგეგმვას, მასალებისა და ფერების შერჩევას, 3D ვიზუალიზაციების შექმნას და საჭირო ტექნიკური ნახაზების მომზადებას.